Ofnæmi

Skrifað 2009-06-18 · Sjúkdómar

Margir sem þjást verulega vegna ofnæmis

Undanfarið hefur verið talað um að markaðssetja Ísland sem griðastað fyrir ofnæmissjúklinga, vegna lítils magns frjókorna hér miðað við gróðursæl lönd sunnar í álfunni. Þrátt fyrir það eru margir hér sem þjást verulega vegna ofnæmis yfir sumartímann. Þar sem sá tími er að renna upp koma hér upplýsingar sem vonandi koma sér vel.

Ofnæmi getur verið margbreytilegt og viðbrögð ónæmiskerfisins misjafnlega viðkvæmt. Ofnæmi getur þróast smám saman eða byrjað skyndilega. Ofnæmisvaldar geta verið fæða, frjókorn, dýrahár, fiður, og fjölmargt annað í umhverfi okkar. Hómópatía hefur hjálpað fjölmörgum einstaklingum.

Hér að neðan verða taldar upp helstu remedíurnar og einkenni þeirra. Einnig eru fleiri remedíur sem geta hjálpað til ef einkenni eru önnur. Hómópatar útbúa einnig oft áhrifaríkar ofnæmisblöndur sem eru þá klæðskerasniðnar fyrir einstaklinginn.

Remedía:	Lýsing	Betri	Verri
Allium Cepa	Mikið vatnskennt nefrennsli. Rauð augu sem tárast, svíður ekki undan. Langar að nudda augun. Kitlingur í nefinu og mikill, ákafur hnerri Höfuðverkur með stíflu í enninu getur fylgt ofnæminu.	Í fersku lofti	Í hlýju herbergi, eftir rakan vind.
Ambrosia	Vatnskennt nefrennsli, tárarennsli og kláði í augum. Getur líka fundið fyrir pirringi í hálsinum og astmaöndun. Algeng við ofnæmi vegna illgresis af körfublómaætt.
Apis	Ofsakláði og eða upphleypt rauð húð í andliti, bólgin augnlok og bólga eða bjúg undir augum. Húðin getur verið bólgin spennt, strekkt og mjög viðkvæm fyrir snertingu. Varir, munnur og háls geta bólgnað.	Ferskt loft, kaldir bakstrar, hreyfing.	Allur hiti. Þrýstingur og snerting. Seinnipart dags um kl. 4. Eftir svefn.
Arsenicum	Þunnur vatns-kenndur fleiðrandi útskilnaður. Stíflað nef með nefrennsli. Svíður undan tárum og nefrennsli. Öndunarerfiðleikar með eirðarleysi og kvíða. Astmi. Andstuttur.	Hiti, heitir drykkir og matur. Hitameðhöndlun. Hreyfing, Ferskt loft.	Hægra megin. Eftir miðnætti. Kuldi. Ofreynsla.
Euphrasia	Kláði í augum. Sviði augum. Nefrennsli, glært en brennir ekki húðina. Mikið táraflóð. Augu og kinnar geta orðið rauð undan tárunum	Fersku lofti. Þurrka augun.	Á kvöldin og á nóttunni. Þegar leggst niður. Eftir svefn. Sólarljósi, í vindi, hita, ljós.
Kali Bi.	Þykkt, límkennt, strengjakennt nefrennsli. Þykkt slím rennur niður í kok. Nefrennsli með stífluðu nefi. Verkur við nefrætur sem er betri við þrýsting.	Við hita. Heita drykki. Hreyfingu, þrýsting.	Kuldi, Raki. Ferskt loft. Heitt veður.
Nat. Mur.	Mikið vatnskennt nefrennsli og tárarennsli. Hnerrar oft. Missa bragð og lyktarskyn. Þurrkur í nösum. Ljósfælni, verri við sólarljós. Getur fylgt þurrar sprungnar varir eða frunsur.	Ferskt loft, köld böð, svitna, hvíld, missa úr máltíð.	Á morgnana. Sólarhita, sólarljós, raki. Mikil tilfinningaleg viðbrögð, sérstaklega sorg.
Nux Vomica	Stöðugt nefrennsli á daginn, en stíflað nef á nóttunni. Hnerrar oft. Viðkvæmni fyrir kulda. Byrjar oft eftir pirring eða ofþreytu.	Ferskt loft. Sterkan þrýsting. Frjálsan útskilnað. Blunda. Rakt loft.	Innandyra. Kalt, þurrt útiloft. Snemma á morgnana. Láta of mikið eftir sér í mat eða drykk.
Pulsatilla	Nefrennsli á daginn og stíflað nef á nóttunni. Missir lyktarskyn. Ekki þyrst.	Kalt, ferskt loft. Mild hreyfing. Köld meðhöndlun, kaldur matur og drykkir. Liggja með höfuðið hátt.	Heitu herbergi, heitt veður. Á kvöldin og nóttunni og við ljósaskiptin. Við hvíld. Sólin ertir.
Sabadilla	Krampakenndir hnerrar. Nefrennsli með kláða. Rauð augu full af tárum. Getur fylgt höfuðverkur í enni og kökkur í hálsinum með stöðugri þörf fyrir að kyngja. Þurr háls. Ekki þyrst. Kulvís Ofurviðkvæmni fyrir lykt. Kláði.	Við hita, heita drykki og mat. Ferskt loft.	Lykt af blómum eða að hugsa um blóm. Kalt loft. Á morgnana.
Sulphur	Nef stíflað inni en stöðugt nefrennsli úti. Nef og augu rauð. Svíður undan nefrennslinu. Viðkvæm fyrir lykt. Ímynduð lykt. Getur þróast út í asthma, sérstaklega eftir áreynslu	Þurrt heitt veður. Ferskt loft. Hreyfing, svitna. Ganga.	Standa. Hvíld. Hiti í rúminu. Böð. Á morgnana..
Wyethia	Tilfinning eins og það sé eitthvað í nefgöngunum. Pirrandi kláði bak við nefið eða í gómnum. Kitlandi tilfinning sem gefur þurran harðan hósta. Bólginn háls, vill stöðugt kyngja munnvatni en á vont með að kyngja.		Eftir að borða. Við hreyfingu. Seinnipart dags.

Athugið að oft er gott fyrir þá sem eru með ofnæmi að styrkja og hreinsa lifrina.

Hægt er að kaupa blöndu í Heilsuhúsinu sem heitir Mixt Pollein og í athugun er hjá Heilsuhúsinu á Akureyri að hefja aftur innflutning á mjög áhrifaríkri blöndu sem heitir Hoofree.