Grunn uppskrift

Þetta er alveg frábær undirstaða, sem er hægt að nota til margra hluta, eftir því hvernig þú breytir aðal innihaldinu.  Þetta er hægt að persónugera fyrir þann sem á að nota kremið.

3 matskeiðar bývax perlur
¼ bolli olía
¼ bolli rósavatn      (fæst í Heilsuhúsinu)
kjarnaolía eftir vali

1. Bræðið bývaxið.  Þetta er hægt að gera með vatnsbaði eða í örbylgjuofni. 
2. Blandið olíunni út í. 
3. Velgið rósavatnið, blandið smám saman út í og hrærið vel á meðan. 
Ef þú notar örbylgjuofn getur þú þurft að bræða bývaxið annað slagið. Haldið áfram að hræra þar til blandan kólnar.  Þegar hún verður þykk og kremkennd, blandið kjarnaolíunni (ef hún er notuð) út í. Þegar blandan er orðin alveg köld, færið hana í krukku og lokið þétt.

Mismunandi olíur hafa mismunandi eiginleika, þ.a. breytið eftir tilgangi og notanda.

A. Til dæmis er þetta gott nudd krem þegar þú notar sæta möndlu olíu, því að þessi olía hefur reyndar stærstu sameindirnar sem gera hana sleipasta.  Möndlu olía er góð allra handa olía og er lyktarlítil, og er því hægt að nota hana með góðum árangri með ilmkjarna olíum.

B. Jojoba olía er dýrari, en hefur mikla heilunar eiginleika og er góð til notkunar á einhvern sem hefur, til skiptis, annað hvort mjög feita eða mjög þurra húð. Hún er góð fyrir bletti því hún losar um stíflaðar svitaholur.

C. Sumum finnst Hampfræar olía (Hamp seed oil) frábær, og mæla jafnvel með því að hún sé tekin inn sem allra meina bót.

D. Þetta er einnig gott krem til að búa til fóta-nudd krem. Í þeim tilgangi er piparmyntu olía bakteríueyðandi.  Sítrus olíur – lemon, lime, sweet orango og tangerine – eru einnig bakteríueyðandi og góðar fyrir hart skinn.  Notið um 15 dropa fyrir þetta. Haldið þessu samt frá viðkvæmri húð eins og í andliti – þetta er of sterkt fyrir hana og gæti brennt.

E. Þessa grunn uppsrift er hægt að nota til að búa til vara-krem sem hefur styrkjandi, rakagefandi og verndandi eiginleika.  Þú getur bætt mismunandi ilmkjarnaolíu eftir smekk – einn eða tveir dropar eru nóg. Mundu að lavender er heilandi, sweet orange, lemon og rós lykta vel.

ATH.  Það er þess virði að athuga vel mismunandi tegundir af olíum.  Notið aldrei í staðinn, hreinsaðar olíur eins og soya, bómullarfræ (cottonseed)  eða canola olíur því þær innihalda hátt hlutfall af rotvarnarefnum og mögulega afganga af meindýra og eða illgresis eyði.
Þú getur notað matarolíur í húð vörur.  Þetta eru nærandi olíur og auðvitað mikið ódýrari. Lyktin gæti samt fælt fólk frá.

Bestu kveðjur
Sigrún Árnadóttir og Sigríður Bjarnadóttir
Hómópatar LCPH.